சுதந்திர வேங்கை

இந்திய
நாட்டில் முதல் விடுதலைப் போரை நடத்திய பூலித்தேவர் பற்றிய வீர வரலாற்று
நூல். இவர் நியாயத்திற்கும் நீதிக்கும் கட்டுப்பட்டவர். சாதி மத பேதங்களைப்
பாராதவர். நியாயத்திற்கு புறம்பாக யார் நடந்தாலும் அவர்களைத் தண்டிப்பவர்.
கடைசிவரை புரட்சி வீரராகவே வாழ்ந்தவர்.

அவரை பிடிக்க வேண்டும், ஒடுக்க வேண்டும், தூக்கில் தொங்கவிட வேண்டும்
என்று வெள்ளையர்கள் பல நடவடிக்கைகளை மேற்கொண்டனர். ஆனால், எவராலும்
பூலித்தேவரை வெற்றி கொள்ள முடியவில்லை. எவருக்குமே அடிபணியாமல் மாவீரனாகவே
வாழ்ந்து மறைந்தார் என்பதை, உண்மை வரலாறாக வெளிக்கொண்டு வந்திருக்கிறார்
நூலாசிரியர் கவுதம நீலாம்பரன்.

இது வரலாற்று உண்மைகளை உள்ளடக்கிய நூல் என்றாலும் மர்மக் கதை படிப்பதைப்
போல திருப்பமும், திகைப்பும், வியப்பும் ஏற்படுத்துகிறது. பூலித்தேவர்
பற்றிய முழுமையான வரலாற்றை அறிய விரும்புவோர் படிக்க வேண்டிய நூல்
மட்டுமல்ல, பல உண்மைகளை தெரிந்து கொள்ள உதவக்கூடிய நூலுமாகும்.