தீக்கு இட்ட கட்டளை

தீக்கு இட்ட கட்டளை

ஒரு நாள் சீரடியில் வயல்களில் இருந்த ஒரு வைக்கோல் போரில் தீப்பிடித்துக்கொண்டது. ஆகவே அங்கு வைக்கப்பட்டிருந்த தானியங்கள் அனைத்தையும் தீ எரித்து விடுமே என்று அஞ்சினார்கள் மக்கள். மிஞ்சி இருக்கப் போவது ஒன்றுமின்றிப் போய்விடும் போலும் என்று கருதி கதறினார்கள். சாயி சாயி என்று அழைத்தார்கள்.

அருகில் கிணறுகள் கிடையாது நீர் இறைத்து தீயை அணைத்து விடும் முன், தீயினால் பல்வேறு சேதாரங்கள் ஏற்பட்டு விடுமே, என்ன செய்வது என்று திகைத்து நமக்கு ஆதாரம் சாயிபாபா என்பதை புரிந்து சாயிபாபாவின் பெயரைச் சொல்லி கூக்குரலிட்டார்கள்.

அழைத்தவர்கள் குரலுக்கு ஓடி வந்த சாயிபாபா, தீப்பற்றி எரிந்த வைக்கோல் போரைச் சுற்றி தண்ணீரினால் வட்டமிட்டார். தீயே இந்த வட்டம் கடந்து வராதே என்று ஆணையிட்டார். என்ன விந்தை கோட்டுக்கு வெளியே வராமல் எரிந்து அணைந்தது தீ. கண்ணீருடன் நின்ற மக்களை அன்புடன் அணைத்து கொண்டார். தீயும் பணிந்தது சாயிபாபாவுக்கு என்பது தெரிகிறது