பாலிவுட் நடிகர் சத்ருகன் சின்ஹா மருத்துவமனையில் அனுமதி

மும்பை, ஜூலை 3: பிரபல பாலிவுட் நடிகரும், பாஜக முன்னாள் அமைச்சருமான சத்ருகன் சின்ஹா சுவாசக் கோளாறு காரணமாக மும்பை அந்தேரியில் உள்ள மருத்துவமனையில் திங்கட்கிழமை அனுமதிக்கப்பட்டார்.

சின்ஹாவின் வீட்டில் பெயின்ட் அடிக்கும் பணி நடந்து வருகிறது. இதனால் அவருக்கு ஒவ்வாமை காரணமாக மூச்சுத் திணறல் ஏற்பட்டது. இதையடுத்து கோகிலாபென் மருத்துவமனைக்கு அவர் அழைத்துச் செல்லப்பட்டார். அங்கு அவருக்கு சிகிச்சை அளிக்கப்பட்டது. தற்போது அவரின் உடல்நிலை சீராக இருப்பதாக டாக்டர்கள் தெரிவித்தனர்.