கோச்சடையான் திரைப்படத்தை வாங்கியது ஜெயா தொலைக்காட்சி

கோச்சடையான் திரைப்படத்தின் தொலைக்காட்சி உரிமையை அதிக விலை கொடுத்து ஜெயா தொலைக்காட்சி பெற்றுள்ளது. ரஜினி, தீபிகா படுகோனே, சரத் குமார், ஆதி உள்ளிட்ட நட்சத்திரங்கள் பலர் நடித்துள்ள படம் கோச்சடையான். 3டி தொழில்நுட்பத்தில் உருவாகி வரும் இப்படத்தை ரஜினியின் மகள் சவுந்தர்யா இயக்கி வருகிறார். படத்துக்கு இசைப்புயல் ஏ.ஆர்.ரகுமான் இசையமைக்கிறார். படத்தை அதிக பொருட்செலவில் ஈராஸ் இன்டர்நேஷனல் நிறுவனம் தயாரிக்கிறது. இந்நிலையில் கோச்சடையான் திரைப்படத்தை இந்த ஆண்டு இறுதியில் வெளியிட தயாரிப்பு நிறுவனம் முடிவு செய்துள்ளது. மேலும் படத்தின் ஆடியோ வெளியீட்டு விழாவை டோக்கியோவிலும், பிரிமியர் காட்சிகளை லாஸ் ஏஞ்சல்ஸ் மற்றும் இந்தியா உள்ளிட்ட நாடுகளிலும் வெளியிட தீர்மானிக்கப்பட்டுள்ளதாக அந்த நிறுவனம் தெரிவித்துள்ளது. இதனிடையே கோச்சடையான் திரைப்படத்தின் தொலைக்காட்சி உரிமையை ஜெயா தொலைக்காட்சி பெற்றுள்ளது. இதற்காக அதிக விலை கொடுக்கப்பட்டுள்ளதாகவும் கூறப்படுகிறது.