'ஐ' காதல் திரில்லர் திரைப்படம்-சங்கர்

விக்ரம்-சங்கர் கூட்டணியில் பிரமாண்டமாக உருவாக இருக்கும் படம் ஐ. அந்நியன் படத்தை தொடர்ந்து மீண்டும் இந்த கூட்டணி இணைவதால் படம் பற்றிய எதிர்பார்ப்பு தற்போதே காணப்படுகிறது. ஐ திரைப்படம் அரசியல் தொடர்பான கதை என்ற ஊகங்களும் எழுந்தன. இந்நிலையில் அந்த ஊகங்களுக்கு இயக்குனர் சங்கர் முற்றுப்புள்ளி வைத்துள்ளார். இது குறித்து தனது சமூக வலைப்பின்னல் தளத்தில் கூறுகையில், ஐ திரைப்படம் காதல் திரில்லர் படம் என விளக்கம் அளித்துள்ளார். படத்தில் விக்ரமுடன் இணைந்து மலையாள சூப்பர் ஸ்டார் சுரேஷ் கோபி நடிக்கிறார். மேலும் இந்தப் படத்தின் மூலம் முதன்முறையாக பி.சி.ஸ்ரீராம், எழுத்தாளர் சுபா ஆகியோருடன் பணியாற்றுகிறேன். மேலும் ஏ.ஆர். ரகுமான் இசையில் அண்மையில் படத்தின் பாடல் ஒன்று பதிவானது. கபிலன் வரிகளுக்கு விஜய் பிரகாஷ் குரல் கொடுத்திருக்கிறார்.