சூர்யாவுடன் நடிக்க விருப்பம்:ரிச்சா

மயக்கம் என்ன நாயகி ரிச்சா கங்கோபாத்யாய் சூர்யாவுடன் நடிக்க விருப்பம் தெரிவித்துள்ளார். தற்போது இவர் கார்த்தி நடிக்கும் பிரியாணி படத்தில் ஒப்பந்தம் செய்யப்பட்டுள்ளார். இந்தப் படத்தின் படப்பிடிப்பு விரைவில் தொடங்க இருக்கிறது. இது குறித்து அவர் கூறுகையில் திரைத்துறையில் பல இளம் மற்றும் திறமைவாய்ந்த நடிகர்கள் இருப்பதாகவும், அதில் ஒருவர் கார்த்தி என்று தெரிவித்துள்ளார். மேலும் எதிர்காலத்தில் சூர்யாவுடன் இணைந்து நடிக்க விருப்பபடுவதாகவும் கூறியுள்ளார். மங்காத்தாவில் நடிக்க வந்த வாய்ப்பை அப்போது தவறவிட்டதாகவும் அதற்கு பதில் தற்போது வெங்கட்பிரபுவுடன் இணைந்து பணியாற்றும் வாய்ப்பு கிடைத்துள்ளதாகவும் ரிச்சா தெரிவித்துள்ளார்.