வரும் வெள்ளியன்று 18 வயசு திரைப்படம் ரிலீஸ்?

ரேனிகுண்டா இயக்குனர் பன்னீர்செல்வத்தின் அடுத்த படைப்பு 18 வயசு. ஜானி ஹீரோவாக நடிக்கும் இந்தப் படத்தில் அவருக்கு ஜோடியாக காயத்ரி நடிக்கிறார். சக்தி ஒளிப்பதிவு செய்கிறார். தினேஸ்- சார்லஸ் பாஸ்கோ இசை அமைக்கின்றனர். நிக் ஆர்ட்ஸ் சக்கரவர்த்தி தயாரிக்கிறார். மனநிலை பாதிக்கப்பட்ட ஒருவனின் காதல்தான் படத்தின் கதை. படத்தை பார்த்த தணிக்கை குழு யு/ஏ சான்றிதழ் வழங்கியுள்ளது. இதனைத்தொடர்ந்து 18 வயசு திரைப்படம் வரும் வெள்ளியன்று திரைக்கு வரலாம் என எதிர்பார்க்கப்படுகிறது. ரேனிகுண்டா திரைப்படத்திற்கு பிறகு மீண்டும் பன்னீர்செல்வம்-ஜானி கூட்டணி இந்த திரைப்படம் மூலம் இணைந்திருப்பது குறிப்பிடத்தக்கது.