மீண்டும் இளையராஜாவுடன் இணையும் பாலுமகேந்திரா

நீண்ட இடைவெளிக்குப் பிறகு இயக்குனர் பாலுமகேந்திரா, இசையானி இளையராஜா கூட்டணி மீண்டும் இணைய இருக்கிறது. கடைசியாக இவர்களது கூட்டணியில் "அது ஒரு கனாக்காலம்" திரைப்படம் வெளியானது. இத்திரைப்படம் 2005ல் திரைக்கு வந்தது. அதன் பிறகு சில வருடங்கள் ஓய்வில் இருந்த பாலுமகேந்திரா தற்போது "தலைமுறைகள்" என்ற படத்தை இயக்குகிறார். இப்படத்தின் மூலம் இந்த பழைய கூட்டணி மீண்டும் இணைகிறது. இதில் சசிகுமார் கௌரவ வேடத்தில் நடிக்கிறார். பாலுமகேந்திரா இதுவரை 34 படங்களை இயக்கியுள்ளார். அதில் 21 திரைப்படங்கள் இளையராஜாவின் இசையில் வெளியானவை என்பது குறிப்பிடத்தக்கது.