ரெட்ஜெயன்ட் மூவிஸ் தயாரிக்கும் படத்தில் சுந்தரபாண்டியன் இயக்குனர்

சசிகுமார் நடிப்பில் வெற்றிகரமாக ஓடிக்கொண்டிருக்கும் திரைப்படம் சுந்தரபாண்டியன். இப்படத்தை சசிகுமாரின் உதவி இயக்குனர் எஸ்.ஆர்.பிரபாகரன் இயக்கியுள்ளார். படத்துக்கு அனைத்து தரப்பினரிடம் இருந்தும் நல்ல வரவேற்பு கிடைத்துள்ளது. மேலும் படத்தை இயக்கிய பிரபாகரனுக்கு பாராட்டுகள் குவிந்து வருகின்றன. இது ஒரு புறம் இருக்க, படத்தைப் பார்த்த உதயநிதி இயக்குனர் பிரபாகரனை பாராட்டியுள்ளார். அத்துடன் விட்டுவிடாமல் அடுத்த படத்தை தன்னுடைய பேனருக்கு இயக்க கூறி சுந்தரபாண்டியன் படத்தில் பணியாற்றிய யூனிட்டை அப்படியே ஒப்பந்தம் செய்திருக்கிறார். இதற்கான அதிகாரப்பூர்வ அறிப்பினை விரைவில் எதிர்பார்க்கலாம்.