இப்போதைக்கு இயக்குநர் பணியே போதும் : மிஸ்கின்

இயக்குநர் மிஸ்கின் அடுத்து இயக்கும் படத்தில் தானே நடிக்கவும் செய்வதாக வந்த தகவல் உண்மையில்லை புரளி என்பது தெரிய வந்துள்ளது.

முகமூடி படத்தை இயக்கி முடித்திருக்கும் இயக்குநர் மிஸ்கின், அடுத்து பெரிய ஹீரோ ஒருவரை வைத்து காதல் மற்றும் ஆக்சன் நிறைந்த படத்தை இயக்க திட்டமிட்டுள்ளார்.

இதற்காக கதை கேட்கும் பணியில் இறங்கியுள்ள மிஸ்கின், வேகமாக கதையை முடிவு செய்து, அதனை இயக்கும் பணியில் ஆர்வம் செலுத்த உள்ளார்.

ஆனால், கிரிக்கெட் என்ற படத்தை இயக்கி அதில் நடிப்பதாக வந்த தகவல் முற்றிலும் புரளி என்று கூறியுள்ள இயக்குநர், தற்போதைக்கு இயக்குநர் பணியே எனக்கு முக்கியமாக உள்ளது. நடிக்க வேண்டும் என்றால் அதற்கான சரியான நேரத்தில் அதைச் செய்வேன் என்று கூறுகிறார்.