50வது நாளைத் தாண்டி வெற்றிகரமான பாதையில் சுந்தரபாண்டியன்

கிராமத்து கதையின் பின்னணியில் சசிகுமார் நடிப்பில் வெளியாகி வெற்றிகரமாக ஓடிக் கொண்டிருக்கும் சுந்தர பாண்டியன் 50வது நாளை எட்டியுள்ளது.

பிரபாகரன் இயக்கத்தில் உருவாகியுள்ள சுந்தரபாண்டியன் திரைக்கதை, எந்த பிசிறும் இல்லாமல், இயல்பாகவும், கதாப்பாத்திரத் தேர்வுகளும், அவர்களின் இயல்பான நடிப்பும், நறுக்குத் தெறிக்கும் வசனங்களும் படத்தின் வெற்றிக்குக் காரணம் என்று கூறப்படுகிறது.

பிரபாகரனின் முதல் படமே வெற்றிப் படமாக அமைந்திருப்பதால், படத்தில் இடம்பெற்ற அனைவரும் வெற்றிக் களிப்பில் உள்ளனர்.

சுந்தரபாண்டியன் திரைப்படம் வெளியான அனைத்து திரையரங்குகளிலும் தற்போதும் ஹவுஸ் புல்லாக ஓடிக் கொண்டிருக்கிறது என்பதே வெற்றிக் களிப்புக்குக் காரணம்.