50வது நாளில் மெரினா படம்

பெரிய பெரிய தயாரிப்பு நிறுவனங்கள நட்சத்திர ஹீரோக்களை வைத்து எடுக்கும் படங்களே இப்போதெல்லாம் ஒருவாரத்தில் பெட்டிக்குள் முடக்கப்படுகின்றன. இந்த நிலையில், இயக்குநர் பாண்டிராஜ் புதிய நடிகர்களை வைத்து எடுத்து வெளியான மெரினா படம் 50வது நாளை எட்டியுள்ளது.

தமிழகத்தில் முக்கிய நகரங்களில் இப்படம் திரையிடப்பட்டுள்ள மிகப்பெரிய திரையரங்குகளிலும் சரி, ஊரக மற்றும் கிராமப் பகுதிகளிலும் சரி இப்போதும் திரையரங்குகள் நிரம்பியே உள்ளன.

தேசிய விருது இயக்குநர் பாண்டிராஜ் இயக்கி, சிவகார்த்திகேயன், ஓவியா மற்றும் சில சிறுவர்கள் முக்கிய கதாபாத்திரத்தில் நடித்த இப்படம் வெளிவந்த போதே ரசிகர்கள் மத்தியில் பாராட்டினைப் பெற்றது.

நல்ல ஒரு கருத்தினை இப்படம் கொண்டிருப்பதால் படம் வெற்றி பெற்றுள்ளது என்கிறார்கள் படம் பார்த்த ரசிகர்கள்.