பாபநாசம் பரிகாரங்கள்

கும்பகோணம் அருகில் உள்ள சூரியனார் கோவிலில் வழிபாடு செய்வதால் கிடைக்கும் பலன்கள், இத்தலத்தில் கிடைக்கும். குறிப்பாக கண் பார்வை கோளாறு மற்றும் தோல் நோய் உள்ளவர்கள், கோதுமை தானம் செய்தால் பலன் கிடைக்கும். 7 வாரம் அல்லது 11 வாரம் ஞாயிற்றுக்கிழமை தோறும் இத்தலத்துக்கு வந்து கோதுமை தானம் செய்து, கோதுமை விளக்கு ஏற்றி பரிகாரங்கள் செய்தால் உடனே திருமணம் கைகூடும்.

உலகம்மை சன்னதியில் மஞ்சள் இடிக்கும் உரல் ஒன்று உள்ளது. பெண்கள் மஞ்சள் வாங்கி வந்து, அந்த உரலில் போட்டு இடித்து பொடியாக்கிக் கொடுக்க வேண்டும். அந்த மஞ்சள் தூள் வெள்ளிக்கிழமை தோறும் உலகம்மைக்கு அபிஷேகம் செய்யப்படும்.

அந்த அபிஷேக தண்ணீரை குடித்தால் பெண்களுக்கு தீர்க்கசுமங்கலி பாக்கியம், குழந்தை பாக்கியம் உண்டாகும். பெண்களுக்குரிய பிரச்சினைகள் தீரும் என்பது நம்பிக்கை. சிம்ம ராசிக்காரர்கள் இங்கு வந்து வழிபட்டால் எல்லாவித தோஷங்களும் நீங்கி நலம் பெறலாம்.

வியாக்ரபாதர், பதஞ்சலி ஆகியோருக்கு ஒரு தைப்பூசத்தன்று நடராஜர், நந்தியின் கொம்புகளுக்கு இடையே நின்று நடனமாடி தரிசனம் கொடுத்தார். எனவே தைப்பூசத்தன்று இஙகு நந்திக்கு சந்தனக்காப்பு செய்து சிறப்பு பூஜைகள் நடத்தப்படுகிறது. அதை பார்ப்பது புண்ணியம் தருவதாகும்.