சினிமாவில் பாடுவதை நிறுத்த மாட்டேன்: ஸ்ருதி ஹாசன்

தமிழில் சூர்யா ஜோடியாக `7-ம் அறிவு’ படத்தில் நடித்துள்ளார் கமல் மகள் ஸ்ருதி. ஏ.ஆர்.முருகதாஸ் இயக்கியுள்ள இப்படம் தீபாவளிக்கு வெளியாகிறது. பாடகியாக அறிமுகமாகி, நடிகை, இசையமைப்பாளர் என பல துறைகளிலும் கலக்கும் ஸ்ருதி கூறியதாவது:

7-ம் அறிவு படத்தின் மூலம் முதல் முறையாக தமிழ் சினிமாவில் நடிகையாக அறிமுகம் ஆகிறேன். ரசிகர்கள் என் நடிப்பு மீது நிறைய எதிர்பார்ப்புகள் வைத்திருக்கிறார்கள். இது எனக்கு பதட்டத்தை ஏற்படுத்துகிறது என்றாலும் ரசிகர்களின் எதிர்பார்ப்பை நிறைவேற்றும் அளவுக்கு நடிப்பில் சாதிக்க வேண்டும் என்ற ஆவல் உள்ளது.

தமிழில் எனக்கு நல்ல அறிமுகத்தை கொடுத்துள்ள டைரக்டர் ஏ.ஆர்.முருகதாசுக்கு நன்றியை தெரிவித்து கொள்கிறேன். 7-ம் அறிவு படம் 6-ம் நூற்றாண்டு கால கதையம்சம் கொண்ட கதை. இப்படத்தில் நானும் நடித்திருக்கிறேன் என்பதை நினைத்து பெருமைப்படுகிறேன். பாடகியாக சினிமாவில் அறிமுகமானேன். எத்தனை படங்களில் நடித்தாலும் சினிமாவில் பாடுவதை நிறுத்த மாட்டேன். தொடர்ந்து பாடுவேன். பாடுவது எனக்கு சந்தோஷமாகவும், மன நிறைவையும் கொடுக்கிறது என்றார்.