கமல் ஹாசனை நேரில் வாழ்த்திய ரஜினி

கமல் ஹாசன் தனது 58 வது பிறந்த நாளை அண்மையில் கொண்டாடினார். மேலும் பிறந்த நாளை முன்னிட்டு சென்னையில் உள்ள நட்சத்திர ஓட்டலில் விருந்து ஒன்றுக்கு ஏற்பாடு செய்திருந்தார். இந்த விருந்த நிகழ்ச்சியில் நடிகர், நடிகைகள், இயக்குனர்கள் என பலர் கலந்து கொண்டனர். அவர்களுக்கு மத்தியில் இரவு 11 மணிக்கு கமல் ஹாசன் கேக் வெட்டினார். அப்போது அங்கு கூடியிருந்த பிரபலங்கள் அவரை வாழ்த்தினர். இந்நிலையில் தான் யாரும் எதிர்பாராத வகையில் பிறந்தநாள் விருந்திற்கு திடீரென வருகை தந்தார் ரஜினிகாந்த். உடனே கமல் ஹாசனை கட்டியணைத்து வாழ்த்து கூறிய ரஜினிகாந்த் சற்று நேரம் இருந்துவிட்டு அங்கிருந்து புறப்பட்டுச் சென்றார்.