ஒரு நாள் முன்னதாக அலெக்ஸ்பாண்டியன்!

சகுனி திரைப்படத்துக்குப் பிறகு கார்த்தி நடிப்பில் உருவாகி இருக்கும் திரைப்படம் அலெக்ஸ்பாண்டியன்.

சுராஜ் இயக்கும் இந்தப் படத்தில் கார்த்தி ஜோடியாக அனுக்ஷா நடித்துள்ளார். தேவி ஸ்ரீ பிரசாத் இசையமைத்துள்ளார்.

முற்றிலும் கமர்ஷியல் அம்சங்கள் கொண்ட இத்திரைப்படம் பொங்கல் பண்டிகையை முன்னிட்டு வரும் 12ம் தேதி வெளியிடப்படும் என அறிவிக்கப்பட்டிருந்தது. இந்நிலையில் திரைப்படத்தை ஒரு நாள் முன்னதாக அதாவது 11ம் தேதி வெளியிட திட்டமிடப்பட்டுள்ளதாக அதிகாரப்பூர்வ வட்டாரங்கள் தெரிவிக்கின்றன. இதனிடையே அலெக்ஸ்பாண்டியன் திரைப்படத்துக்கான முன்பதிவு ஒருசில திரையரங்குகளில் ஏற்கெனவே தொடங்கிவிட்டது குறிப்பிடத்தக்கது.