சீன அரசின் ஆலோசனை குழு உறுப்பினராக ஜாக்கிசான் நியமனம்

சீன அரசின் ஆலோசனை குழு உறுப்பினராக ஜாக்கிசான் நியமனம் செய்யப்பட்டுள்ளார். இதன் மூலம் தன்னுடைய அரசியல் பயணத்தை தொடங்குகிறார்.

அண்மையில் சீன கம்யூனிஸ்டு கட்சியின் புதிய பொதுச் செயலாளராக ஸி ஜின்பிங் நியமிக்கப்பட்டார். இவர், வரும் மார்ச் மாதம் அந்நாட்டின் புதிய அதிபராக பதவி ஏற்க உள்ளார். இந்நிலையில் அவர் மக்களின் குறைகளை கண்டறிந்து தீர்க்க ஒரு உயர்மட்ட அரசியல் ஆலோசனை குழுவை அமைத்துள்ளார். இதில் பிரபல அதிரடி சாகச மன்னன் நடிகர் ஜாக்கிசான் நியமிக்கப்பட்டுள்ளார்.

இவர் தவிர கடந்தாண்டு சிறந்த இலக்கியத்துக்காக நோபல் பரிசு பெற்ற சீன எழுத்தாளர் மோயான் மற்றும் புகழ்பெற்ற முன்னாள் கூடைப்பந்து வீரர் ஆகியோரும் நியமனம் செய்ப்பட்டுள்ளனர்.