'ஆண்டவ பெருமாள்' தலைப்புக்கு எதிர்ப்பு: சென்னை பெருநகர காவல் ஆணையரிடம் புகார் மனு

ஆண்டவ பெருமாள்' என்கிற திரைப்படத்தின் தலைப்பை மாற்றக் கோரி சென்னை பெருநகர காவல் ஆணையரிடம் புகார் மனு கொடுக்கப்பட்டுள்ளது.

'ஆண்டவ பெருமாள்' என்கிற படத்தின் தலைப்புக்கு எதிர்ப்பு தெரிவித்து, தமிழ்நாடு இந்து திருக்கோயில்கள் கூட்டமைப்பின் மாநில தலைவர் செந்தில், சென்னை பெருநகர காவல் ஆணையரிடம் புகார் மனு ஒன்றை அளித்தார். அந்த மனுவில் கூறியிருப்பதாவது: வரும் 22ம் தேதி திரைக்கு வர இருக்கும் 'ஆண்டவ பெருமாள்' என்கிற படத்துக்கு இந்து கடவுளின் பெயரை தலைப்பாக வைத்து கொச்சைப்படுத்தியுள்ளனர். மேலும் இதுபோன்ற தலைப்புகளுக்கு, தணிக்கை குழுவினர் அனுமதி தரக்கூடாது. எனவே, இந்த படத்தின் தலைப்பை மாற்ற நடவடிக்கை எடுக்க வேண்டும்.

இனி வருங்காலங்களில் இது போன்ற காதல் திரைப்படங்களுக்கு கடவுள் பெயர்களை தலைப்பாக வைத்தால் இந்து அமைப்புளை ஒன்று திரட்டி போராட்டத்தில் ஈடுபடுவோம் என அந்த மனுவில் குறிப்பிடப்பட்டிருக்கிறது .