விஸ்வரூபம் சிறப்புக் காட்சி: திரண்ட நட்சத்திரங்கள்

விஸ்வரூபம் திரைப்படம் இன்று தமிழகம் முழுவதும் 500க்கும் அதிகமான திரையரங்குகளில் வெளியானது.

சென்னையில் மட்டும் 30 அரங்குகளலும், புறநகர்களில் 20 அரங்குகளிலும் திரையிடப்பட்டது. இதனிடையே திரையுலக நட்சத்திரங்களுக்காக சென்னை சத்யம் சினிமாஸ் அரங்கில் நேற்று இரவு சிறப்பு காட்சிக்கு ஏற்பாடு செய்யப்பட்டிருந்தது. இதனை நடிகர் சங்கத் தலைவர் சரத்குமார், இயக்குநர்கள் விக்ரமன், ஆர்கே செல்வமணி, நடிகர் - இயக்குநர் சேரன், பார்த்திபன், சந்தானபாரதி, நடிகர் ஜெயராம், அவர் மனைவி நடிகை பார்வதி மற்றும் குழந்தைகள், இசையமைப்பாளர்கள் யுவன்சங்கர் ராஜா மற்றும் கார்த்திக்ராஜா, விவேக், நடிகைகள் குஷ்பு, ஸ்ரீப்ரியா, ராதிகா, மும்தாஜ், சுஹாசினி, நடிகர்கள் சாருஹாஸன், எஸ்வி சேகர், சிபிராஜ் உள்பட பலர் கண்டு மகிழ்ந்தனர்.

முன்னதாக திரையுலகத்தினர் அனைவரையும் வரவேற்ற கமல்ஹாசன் அவர்களுடன் இணைந்து படம் பார்த்து ரசித்தார்.