'சேட்டை' படத்தில் நீதுசந்திரா குத்துப் பாடல்

சேட்டை' படத்தில் இடம்பெற்றுள்ள குத்துப் பாடலுக்கு ஆட்டம் போட சம்மதித்துள்ளார் நடிகை நீதுசந்திரா.

இந்தியில் வெளியாகி வெற்றிபெற்ற டெல்லி பெல்லி திரைப்படம் தமிழில் 'சேட்டை' என்கிற பெயரில் ரீமேக் செய்யப்பட்டு வருகிறது. ஆர்யா சந்தானம், பிரேம்ஜி ஆகியோர் நடிக்கும் இந்தப் படத்தை கண்ணன் இயக்குகிறார். தமன் இசையமைக்கிறார். ஆர்யாவுக்கு ஜோடியாக ஹன்சிகா, அஞ்சலி நடிக்கின்றனர்.

இதனிடையே படத்தில் இடம்பெற்றுள்ள குத்துப் பாடலுக்கு நீதுசந்திரா நடனமாடுகிறார். 'லைலா லைலா' எனத் தொடங்கும் அந்தப் பாடலை சென்னை பின்னி மில்லில் படமாக்குகிறார்கள். ஏகெனவே மிஷ்கினின் யுத்தம் செய் படத்தில் அமீருடன் ஆடினார் நீதுசந்திரா. இதனைத்தொடர்ந்து அமீ‌ரின் ஆதிபகவனில் நடிக்க வாய்ப்பும் பெற்றார் என்பது குறிப்பிடத்தக்கது.