எந்திரனை மிஞ்சுகிறதா ஐ பட பட்ஜெட்

இந்தியாவில் எடுக்கப்பட்ட படங்களிலேயே அதிக பட்ஜெட்டில் எடுக்கப்பட்ட படம் என்ற பெருமையை பெற்றிருப்பது ரஜினிகாந்த் - ஐஸ்வர்யா ராய் நடித்த எந்திரன் படம்.

தற்போது, ஆஸ்கார் ரவிச்சந்திரன் தயாரிப்பில் ஷங்கர் இயக்கி வரும் ஐ படத்துக்கான பட்ஜெட் பல கோடிகளை தொடும் என்கிறது தகவல் அறிந்த பட்சிகள். விக்ரம், எமி ஜாக்சன், சந்தானம், பவர்ஸ்டார் சீனிவாசன் உள்ளிட்டோர் நடித்துள்ள ஐ திரைப்படத்துக்கு 80 முதல் 90 கோடி வரை பட்ஜெட் நிர்ணயிக்கப்பட்டதாக தகவல்கள் தெரிவித்தன. ஆனால், தயாரிப்பு வட்டத்துக்கு நெருங்கிய வட்டாரங்கள், படத்துக்கு 145 கோடி பட்ஜெட் நிர்ணயிக்கப்பட்டதாக சொல்கிறது. இது ஒரு வேளை உண்மையாக இருக்கும்பட்சத்தில் இந்தியாவில் அதிக செலவில் எடுக்கப்பட்ட படம் என்ற பட்டியலில் எந்திரனை பின்னுக்குத் தள்ளிவிட்டு ஐ திரைப்படம் முதல் இடத்தைப் பிடிக்கும் என்று எதிர்பார்க்கப்படுகிறது. இப்படத்துக்கான போஸ்டரே ஹாலிவுட் ரேஞ்சில் இருக்கிறதுதான் இந்த தகவல்களுக்கு அடிப்படையாக இருக்குமோ...