குற்றாலம் மற்றும் மதுரையில் ஆல் இன் ஆல் அழகு ராஜா படப்பிடிப்பு

ஒரு கல் ஒரு கண்ணாடி வெற்றிக்குப் பிறகு ராஜேஷ் இயக்கும் திரைப்படம் 'ஆல் இன் ஆல் அழகு ராஜா'. இதில் நாயகனாக கார்த்தியும் நாயகியாக காஜல் அகர்வாலும் நடிக்கின்றனர்.

இவர்கள் இருவரும் பிஸியாக நடித்துக்கொண்டு இருப்பதால் அந்த இடைவெளியில் திரைக்கதை அமைக்கும் பணியை முடித்துவிட்டார் ராஜேஷ். இதனைத்தொடர்ந்து படப்பிடிப்பு அடுத்த மாதம் தொடங்க இருக்கிறது. முதற்கட்ட படப்பிடிப்பை குற்றாலத்திலும், இரண்டாம்கட்ட படப்பிடிப்பை மதுரையிலும் நடத்த திட்டமிட்டுள்ளார்கள். மேலும் அலெக்ஸ் பாண்டியன் படத்தில் கார்த்திக்கிற்கும், சந்தானத்துக்கும் மனஸ்தாபம் ஏற்பட்டிருப்பதால், இதில் கார்த்தி, சந்தானம் கூட்டணி எந்த அளவுக்கு ஒர்க் அவுட் ஆகும் என்று தெரியவில்லை.

அதேசமயம் சந்தானத்தின் வெற்றிகளில் ராஜேஷின் பங்கு குறிப்பிடத்தக்கது என்பதால் மனஸ்தாபத்தை மறந்து விட்டு சந்தானம் நடிப்பார் என்று கூறப்படுகிறது.