கமலஹாசனுடன் நடிக்க விரும்புகிறேன் : சீயான்

எனக்கு ஒரு வாய்ப்புக் கிடைத்தால் கமலஹாசனுடன் நடிக்க விரும்புகிறேன் என்று நடிகர் விக்ரம் கூறியுள்ளார்.

வேலூரில் பல்கலைக்கழகத்தில் நடந்த நிகழ்ச்சி ஒன்றில் கலந்து கொண்ட விக்ரமிடம் பல்கலைக்கழக மாணவர்கள் சரமாரியாக கேள்விக் கணைகளைத் தொடுத்தனர்.

யாருடன் நடிக்க விரும்புகிறீர்கள் என்று கேட்டதற்கு, முதலில் நான் என்னுடன் நடிக்க விரும்புகிறேன். அதாவது டபுள் ஆக்டிங் பண்ண விரும்புகிறேன். எனது மகனுடன் நடிக்கவும் விரும்புகிறேன். ஒரு வாய்ப்பு கிடைத்தால் கமலஹாசனுடன் நடிக்க விரும்புகிறேன் என்று தனது விருப்பத்தை கூறினார் விக்ரம்.

உங்களது கல்லூரி வாழ்க்கை எப்படி இருந்தது என்று கேட்டதற்கு, அது ஒரு போர். ஏன் என்றால் நான் படித்தது இரு பாலர் பயிலும் கல்லூரி அல்ல என்று சிரித்துக் கொண்டே சொன்னார்.

சிறு வயது காதல் பற்றி மாணவர்கள் கேட்டதற்கு, பள்ளி வயதில், எனது ஆசிரியையை காதலித்தேன் என்றார் சீயான்.