திரிஷா, ஹன்சிகாவுக்கு பெண் சாதனையாளர்கள் விருது

திரிஷா பத்து வருடங்களாக சினிமாவில் இருக்கிறார். தமிழ், தெலுங்கில் ஏராளமான படங்களில் நடித்துள்ளார். இன்னும் கதாநாயகியாகவே நீடிக்கிறார். சமூக சேவை பணிகளிலும் திரிஷா ஈடுபட்டு உள்ளார். பிராணிகள் பாதுகாப்பு அமைப்புகளில் அங்கம் வகிக்கிறார். தெருவோர நாய்களை பிடித்து வளர்த்து தத்து கொடுக்கவும் செய்கிறார். இதற்காக திரிஷா சாதனை பெண்மணியாக தேர்ந்தெடுக்கப்பட்டு உள்ளார்.

இதுகுறித்து திரிஷா கூறும் போது, சாதனையாளர் விருதுக்கு தேர்வானது மகிழ்ச்சி அளிக்கிறது. பத்து வருட திரையுலக சேவைக்காக இது கிடைக்கிறது என்றார்.

ஹன்சிகா தமிழில் ‘மாப்பிள்ளை’ படம் மூலம் அறிமுகமானார். வேலாயுதம், எங்கேயும் காதல், ஒரு கல் ஒரு கண்ணாடி படங்களில் நடித்தார். மேலும் எட்டு படங்களில் நடித்து வருகிறார். தனது ஒவ்வொரு பிறந்த நாளின் போதும் ஒரு குழந்தையை தத்தெடுத்து வளர்க்கிறார். இதற்காக பெண் சாதனையாளர் விருதுக்கு தேர்வாகியுள்ளார்.

இவர்களுக்கு வருகிற 1-ந்தேதி விருதுகள் வழங்கப்படுகிறது.