நடிக்க வந்து 11ஆண்டுகள் கடந்துவிட்டது: நடிகை பாவனா

திரையுலகிற்கு அறிமுகமாகி 11 ஆண்டுகள் கடந்துவிட்டது என்று நடிகை பாவனா தெரிவித்துள்ளார்.

இது குறித்து அவர் மேலும் கூறியதாவது: நான் நடிகையானது என்பது ஒரு வித்தியாசமான அனுபவம். எனக்கு கருப்பு மேக்அப் போட்டுதான் இயக்குனர் டெஸ்ட் வைத்தார். அது அவருக்கு பிடித்துவிடவே நடிக்க ஒப்புக் கொண்டார். திரையுலகிற்கு வந்து 11 ஆண்டுகள் கடந்துவிட்டது. தமிழ், தெலுங்கு மொழிகளைத் தவிர கன்னடப் படங்களிலும் நடித்து வருகிறேன்.

என்னுடன் நடிக்க வந்த நடிகைகள் பலருக்கு திருமணமாகிவிட்டது. என்னையும் திருமணம் செய்து கொள்ளும்படி குடும்பத்தினர் கூறுகின்றனர். அது எப்போது நடக்கும் என்பதை சொல்ல முடியாது. திருமணத்திற்கு பிறகும் நடிக்க ஆசைப்படுகிறேன். மேலும் காதலை பற்றி இப்போது எதுவும் சொல்லமாட்டேன் என்றார் பாவனா.