தமிழ் சினிமாவில் நான் ஊறுகாய் மாதிரி: பவர் ஸ்டார்

யார் கூப்பிட்டாலும் ஒரு பாட்டுக்கு நடனமாட தயாராக இருப்பதாக பவர் ஸ்டார் தெரிவித்துள்ளார்.

இன்றைய காலகட்டத்தில் தமிழ் சினிமாவில் பிஸியான நடிகர் யார் என்றால் அது பவர் ஸ்டார்தான். ஒரே படத்தில் பிரபலம் அடைந்த இவரை போட்டி போட்டுக் கொண்டு படத்தில் ஒப்பந்தம் செய்து வருகின்றனர். அந்த வரிசையில் சிங்கம்-2, ஐ, ஒன்பதுல குரு, தில்லு முல்லு, சும்மா நச்சுனு இருக்கு, நாலு பேரும் ரொம்ம்ம்ப நல்லவங்க, அழகன் அழகி உள்ளிட்ட படங்களில் பவர் ஸ்டாரை பார்க்கலாம். இதில் ஒன்பதுல குரு, சும்மா நச்சுனு இருக்கு, அழகன் அழகி போன்ற படங்களில் ஒரு பாடலுக்கு ஆடி இருக்கிறார்.

இது குறித்து பவர் ஸ்டார் கூறியதாவது: “ சாப்பாட்டுல எத்தனை வகை இருந்தாலும், அதில் ஊறுகாய் இருந்தால் அதோட சுவையே தனி. அந்த ஊறுகாய் இப்ப நான்தான். சந்திரபாபு நடிகருக்குப் பிறகு தமிழ் சினிமாவில் ஒரு பாடலுக்கு நடனம் ஆடுகிற நடிகர் யார் என்று கேட்டால் அது நானாகதான் இருப்பேன். இதை நினைக்கையில் பெருமையாக இருக்கு. யார் கூப்பிட்டாலும் ஒரு பாட்டுக்கு நடனமாட தயாராக இருக்கிறேன் என்றார்.