மீண்டும் களமிறங்குகிறார் சிபிராஜ்

ஸ்டூடண்ட் நம்பர் 1 திரைப்படத்தின் மூலம் தமிழ் திரையுலகிற்கு அறிமுகமானவர் நடிகர் சத்யாராஜின் மகன் சிபிராஜ்.

தொடர்ந்து ஜோர், மண்ணின் மைந்தன், வெற்றிவேல் சக்திவேல், லீ உள்ளிட்ட படங்களில் நடித்த இவருக்கு வெற்றிப் படங்கள் எதுவும் அமையவில்லை. கடைசியாக இவர் நாணயம் எனும் படத்தில் நடித்திருத்திருந்தார். அந்தப் படமும் எதிர்பார்த்த வெற்றியை பெறாத காரணத்தால் நடிப்பை விட்டு விலகி இருந்தார்.

இந்நிலையில் சிறிது இடைவெளிக்குப் பிறகு இப்போது மீண்டும் நடிக்க வருகிறார் சிபிராஜ். ஈரம் இயக்குனர் அறிவழகனின் உதவியாளர் மணிகண்டன் இயக்கும் படத்தில் அவர் நடிக்க இருப்பதாக தகவல்கள் வெளியாகி உள்ளன. படத்திற்கு '1+1=3' என்று பெயரிட்டிருக்கிறார்கள்.

இது தொடர்பாக சிபிராஜ் கூறியதாவது: மணிகண்டனிடம் கதை கேட்டது உண்மைதான். ஆனால் இது குறித்து இன்னும் முடிவு செய்யவில்லை. மேலும் சொந்தமாக படம் ஒன்றை தயாரிக்கவும் முடிவு செய்திருக்கிறேன். இந்த ஆண்டு இறுதிக்குள் படப்பிடிப்பு தொடக்கி விடும். தொழில்நுட்பக் கலைஞர்கள் குறித்த விவரங்களை விரைவில் அறிவிப்பேன்" என்றார்.