விஜய் படத்திற்கு ஏ.ஆர்.முருகாஸின் சம்பளம் ரூ.20 கோடி!

தீனா திரைப்படத்தின் மூலம் தமிழ் திரையுலகிற்கு இயக்குனராக அறிமுகமானவர் ஏ.ஆர்.முருகதாஸ்.

சாதாரண இயக்குனராக வாழ்க்கையைத் தொடங்கிய இவர் அடுத்து விஜயகாந்தை வைத்து ரமணா என்ற மிகப் பெரிய வெற்றிப் படத்தை கொடுத்தார். தொடர்ந்து இவர் இயக்கிய கஜினி திரைப்படம் திருப்புமுனையாக அமைந்தது. இந்தப் படத்தை இந்தியிலும் ரீமேக் செய்து வெற்றி கண்டவர்

முருகதாஸ். அடுத்தடுத்து மூன்று வெற்றிப் படங்களை கொடுத்த முருகாஸுக்கு ஏழாம் அறிவு எதிர்பார்த்த வெற்றியை கொடுக்கவில்லை. இருப்பினும் சற்றும் தளராத முருகதாஸ் விஜய் வைத்து துப்பாக்கி எனும் மிகப்பெரிய வெற்றிப் படத்தை கொடுத்தார். கடந்தாண்டு வெளியான இந்த திரைப்படம் ரூ.150 கோடி மேல் குவித்து வசூல் சாதனை படைத்தது. துப்பாக்கி திரைப்படத்தை இயக்குவதற்கு இவருக்கு சம்பளமாக ரூ.11 கோடி கொடுக்கப்பட்டதாம்.

இந்நிலையில் அடுத்ததாக விஜய் - முருகதாஸ் கூட்டணி மீண்டும் ஒரு புதிய படத்தில் கைகோர்க்கிறது. பிரமாண்டமாக உருவாக இருக்கும் இந்தப் படத்தை கலைப்புலி தாணுவே தயாரிப்பதாக இருந்ததாம். ஆனால் இப்போது தாணு இல்லையாம். அவருக்குப் பதில் லண்டனைச் சேர்ந்த கருணா என்பவர் தயாரிக்கிறாராம். இவர் ஏற்கெனவே எந்திரன் படத்தை தயாரிப்பதாக ஒப்புக் கொண்டு அதிலிருந்து பின் வாங்கியவர். இவைதவிர இந்தப் படத்திற்காக முருகதாஸுக்கு ஒரு பெரிய தொகை சம்பளமாக பேசப்பட்டுள்ளதாம். அதாவது படத்தில் முருகதாஸுடைய சம்பளம் ரூ.20 கோடி என்று தகவல் வெளியாகி உள்ளது.