'தலைவா' படத்தில் மும்பை நடிகை குத்தாட்டம்

'தலைவா' திரைப்படத்தில் மும்பையைச் சேர்ந்த நடிகை கிரண் குத்துப் பாடல் ஒன்றுக்கு ஆட்டம் போட்டுள்ளார்.

விஜய் நடிப்பில் வேகமாக உருவாகி வரும் திரைப்படம் 'தலைவா'. ஏ.எல்.விஜய் இயக்கும் இந்தப் படத்தில் விஜய்க்கு ஜோடியாக அமலாபால் மற்றும் ராகினி நடிக்கின்றனர். ஜி.வி.பிரகாஷ்குமார் இசையமைக்கிறார். தற்போது 'தலைவா' படக்குழு இறுதிகட்ட படப்பிடிப்பில் உள்ளது. ஆஸ்திரேலியாவில் நடந்து வரும் படப்பிடிப்புடன் படம் முடிவுக்கு வருகிறது.

இதனிடையே படத்தில் இடம்பெற்றுள்ள குத்துப் பாடல் ஒன்றுக்கு மும்பையைச் சேர்ந்த நடிகை கிரண் ஆட்டம் போட்டுள்ளார். கிரண் பங்கேற்ற பாடல் காட்சியை சென்னையில் உள்ள பின்னி மில்லில் வைத்து படமாக்கி இருக்கிறார்கள். இவருடன் இணைந்து மேலும் ஐந்து அழகிகளும் அந்தப் பாடலுக்கு ஆடியுள்ளனராம். ஆறு பேரும் சேர்ந்து போட்டுள்ள குத்தாட்டம் ரசிகர்களுக்கு கொண்டாட்டமாக இருக்கும் என்று தலைவா குழுவினர் தெரிவித்தனர்.

இது தவிர விஜய்யின் அறிமுகப் பாடலான தலைவா என்ற பாடலையும் 250 டான்ஸர்கள் பங்கேற்க பிரமாண்டமான முறையில் படமாக்கி இருக்கின்றனர்.