ரஜினி கமலை போல் நிச்சயம் வருவேன்: உதய்கிரண்

இயக்குனர் சிகரம் பாலச்சந்தர் இயக்கிய ' பொய் " படம் மூலம் தமிழ் ரசிகர்களுக்கு அறிமுகமானவர் நடிகர் உதய்கிரண்.

இந்தப் படத்துக்கு பிறகு அவருக்கு எதிர்பார்த்த வாய்ப்பு எதுவும் அமையவில்லை. இதனால் நடிப்பில் இருந்து ஒதுங்கி இருந்த உதய்கிரண் நீண்ட இடைவெளிக்குப் பின்னர் புதிய படம் ஒன்றில் ஆக்ஷன் ஹீரோவாக நடிக்க இருக்கிறார்.

இது குறித்து அவர் கூறியதாவது: ரஜினி, கமல், பிரகாஷ் ராஜ் போன்ற ஜாம்பவான்களை அறிமுகப்படுத்திய இயக்குனர் சிகரம் கே.பாலசந்தர்தான் என்னையும் 'பொய்' திரைப்படம் மூலம் தமிழ் திரையுலகிற்கு அறிமுகபடுத்தினார் என்பதில் பெருமைப்படுகிறேன். அவர்களை போல் இன்னமும் பிரபலமாகவில்லை என்ற ஏக்கம் என்னுள் இருந்து கொண்டேதான் இருந்தது. இப்போது இந்த கதை நம்பிக்கை அளித்துள்ளது. இந்தப் படத்துக்குப் பிறகு நானும் ஒரு ரஜினி சார் போலவோ, கமல் சார் போலவோ, வருவேன். மேலும் படத்தின் கதாபாத்திரத்திற்கு ஏற்ப என்னுடைய உடல் தோற்றத்தை மாற்றியுள்ளளேன் எனவும் தெரிவித்தார்.

பெரும் பொருட்செலவில் முன்னா தயாரிக்கும் இந்தப் படத்தை சுதாகர் இயக்குகிறார். வினோத் குமார் இசையமைக்கிறார். இந்தப் புதிய படத்தின் தொடக்க விழா வரும் 22ம் தேதி சென்னையில் நடைபெற உள்ளது.