சேட்டையில் நீத்து குத்தாட்டம்!

யுத்தம் செய் படத்தில் "கன்னித் தீவு பொண்ணா..." என்ற ஒரே ஒரு பாடலுக்கு மட்டும் நடனமாடியவர் நீத்து சந்திரா.

இவர் தற்போது அமீர் இயக்கத்தில் ஜெயம் ரவி நடிக்கும் ஆதிபகவன் படத்தில் நாயகியாக நடித்து இருக்கிறார். இப்படம் விரைவில் வெளிவர இருக்கிறது.

இதுதவிர, ஆர்யா, சந்தானம், பிரேம்ஜி நடிக்கும் சேட்டை படத்தின் பாடல் ஒன்றுக்கு நடனமாட சம்மதம் தெரிவித்து இருக்கிறார் நீத்து. டெல்லி பெல்லி ரீமேக் என்பதால் சேட்டை படத்திற்கு பெரும் எதிர்பார்ப்பு நிலவி வருகிறது.

ஆர்யா, சந்தானம், பிரேம்ஜி ஒரு பாரில் வைத்து நடனமாடுவது போன்று லைலா லைலா என்ற பாடல் இடம்பெற இருக்கிறது. இப்பாடலின் படப்பிடிப்பு சென்னையில் 9 ம் தேதி முதல் தொடங்க இருக்கிறது.

பார் போன்ற செட் ஒன்றை பிரம்மாண்டமாக வடிவமைத்து வருகிறார்கள். மூன்று நாயகர்களுடன் நீத்து சந்திராவும் இப்பாடலில் குத்தாட்டம் போட இருக்கிறார். இப்பாடலுக்கு கல்யாண் நடனம் வடிவமைக்க இருக்கிறார்.