சமையல்:கம்பு தயிர் வடை

தேவையான பொருட்கள்:

கம்பு மாவு - 300 கிராம்
அரிசி மாவு - 50 கிராம்
தயிர் - 4 கப்
சீரகத் தூள் - 4 டீஸ்பூன்
பெரிய வெங்காயத்துருவல் - 1 கப்
கொத்தமல்லி - 1 கப்
உப்பு - தேவைக்கேற்ப

தாளிக்க:

கடுகு - 1 டீஸ்பூன்
மிளகாய் வற்றல் - 2
பெருங்காயம் - சிறிதளவு

செய்முறை:

கம்பு மாவுடன் அரிசி மாவைச் சேர்த்து, உப்பு கலந்து மசால் வடை பதத்தில் பிசைந்து கொள்ளவும். இதில் பச்சை மிளகாய், சீரகத்தூளை சேர்த்து, சிறுசிறு வடைகளாகத் தட்டி, இட்லி தட்டில் வேக வைத்து எடுக்கவும். தயிரை சற்று அகலமான பாத்திரத்தில் ஊற்றி, கடுகு, மிளகாய், பெருங்காயம் தாளித்து அதில் கலக்கவும். இதில் அவித்த கம்பு வடைகளை ஒரு மணி நேரம் ஊற விட வேண்டும். பிளேட்களில் பரிமாறும் முன், வெங்காயத்துருவல், கொத்தமல்லித் தழையை தூவி விடவும். கோடை காலத்திற்கேற்ற சத்தான டிபன், உடலுக்கு குளிர்ச்சி தரும். அனைத்து வயதினருக்கும் உகந்தது. கம்பங்கூழ் பிடிக்காத குழந்தைகள் கூட இதை விரும்பிச் சாப்பிடுவார்கள்.