சமையல்:ரவா லட்டு

ரவையே பிடிக்காதுனு சொல்றவங்க கூட ரவா லட்டுனா விட்டு வைக்க மாட்டாங்க. அந்தளவு சுவை மணமும் நிறைந்த பதார்த்தம். பால் கலந்து உருண்டைகள் பிடித்தால் இன்னும் ருசியாக இருக்கும். உடனுக்குடன் பயன்படுத்த வேண்டும். டப்பாக்களில் வைத்து உண்ண வேண்டும் என்றால் பாலைத் தவிர்ப்பது நல்லது.

தேவையான பொருட்கள்:

வெள்ளை ரவை - 1 கிலோ
சர்க்கரை - 1-1/2 கிலோ
ஏலக்காய் - 10 (பொடித்தது)
நெய் - 200 கிராம்
முந்திரி - 50 கிராம்

செய்முறை:

* உலர்ந்த வாணலியில் ரவையை வறுத்து பொடி செய்யவும்.

* நன்றாக பொடி செய்த சர்க்கரை ஏலக்காய்ப் பொடி சேர்க்கவும்.

* முந்திரியை நெய்யில் வறுத்து இந்தக் கலவையில் சேர்க்கவும்.

* நெய்யை உருகுமளவிற்கு இலேசாக சூடு செய்து அதனுடன் கலந்து நன்கு கலக்கவும்.

* இந்த மாவை சீரான அளவு உருண்டைகளாக உருட்டவும்.

* இந்த இனிப்பு வகையுடன் பால் சேர்க்கலாம். ஆனால் லட்டை சீக்கிரமாக பயன்படுத்திவிட வேண்டும்.