சீனர்களை அழ வைத்த ஆக்ஷன் கிங்!

வில்லன்களை நைய புடைச்சுட்டு, அப்படியும் திருப்தி வராமல் இரண்டு கைகளையும் மேலே தூக்கி காற்றிலேர்ந்து எனர்ஜியை வாங்கி மறுபடியும் ஒரு ட்ரிப் அடிச்சு துவைக்கிற அர்ஜுனை பார்த்து உடம்பெல்லாம் வலியாகிக் கிடக்கும் கலா ரசிக பெரு மக்களுக்கு ஒரு நற்செய்தி. அவரது வழக்கமான படங்களுக்கெல்லாம் மாறுபட்டு ஒரு படத்தில் நடித்திருக்கிறார் அவர். ஆக்ஷன் கிங்கின் இந்த ஆக்டிங் கிங் ஸ்டோரி பற்றிதான் இண்டஸ்ட்ரி மூக்கு மேல் விரல் வைத்து வியக்கிறது. 'பிரசாத்' என்ற இந்த படத்தில் அர்ஜுனுக்கு ஆக்ஷன் காட்சிகளும் இல்லை. டூயட்டும் இல்லை. அப்புறம்? ஃபுல்லா நடிப்பு. நடிப்பு. நடிப்பு மட்டும்தான். காது கேளாத வாய் பேசாத ஒரு குழந்தைக்கு அப்பாவாக நடித்திருக்கிறாராம் அவர். இங்கு ரிலீசாவதற்கு முன்பே பெர்லினில் நடைபெற்ற உலக திரைப்பட விழாவில் படத்தை ஸ்கிரீன் பண்ணினார்களாம். மொழி புரியாத சீனர்கள் கூட கண்கலங்கினார்களாம். படத்திற்கு இசை இளையராஜா என்பதை இந்த இடத்தில் சொன்னால் அதற்கான காரணம் உங்களுக்கும் புரியும். அதிருக்கட்டும்... இப்படத்தில் மாறாத அர்ஜுன் ஃபார்முலா ஒன்று இருக்கிறது. அது? நாட்டுப்பற்றை சொல்ற மாதிரி சில உணர்ச்சிப்பூர்வமான டயலாக் இருக்காம். ஆமாமா.. நாட்டுப்பற்றை வெளிக்காட்டுவதில் ஆக்ஷன் கிங்கை அடிச்சிக்க ஆளே இல்லனு தான் சொல்லணும். சும்மா பிச்சு ஒதறுங்க வாத்யாரே......