ராம்சரண்-தமன்னா ஜோடியில் உருவான 'ரகளை'

பல வெற்றி படங்களை தயாரித்த ஆர்.பி.சௌத்ரியின் சூப்பர் குட்ஸ் நிறுவனம் மிகப் பிரமாண்டமான முறையில் தமிழ், தெலுங்கு ஆகிய இரு மொழிகளில் சிரஞ்சீவியின் மகன் ராம்சரணை வைத்து படம் ஒன்றை தயாரித்திருக்கிறது. 'ரகளை' என்று தலைப்பு வைக்கப்பட்டிருக்கும் இப்படத்தில் ராம்சரணுக்கு ஜோடியாக தமன்னா நடிக்கிறார். 'மாவீரன்' படத்திற்குப் பிறகு ராம்சரண் நடிப்பில் வெளியாகவிருக்கும் இப்படத்தில் பொழுதுபோக்கு மற்றும் சண்டைக்காட்சிகளுக்கு அதிக முக்கியத்துவம் கொடுக்கப்பட்டுள்ளது. இதில் அஜ்மல், நாசர், கீதா, பிரகதி, கோட்டா சீனிவாசராவ் ஆகியோர் நடிக்க இவர்களுடன் பாலிவுட்டின் பிரபல வில்லன் நடிகர்கள் ஐந்து பேரும் நடிக்கிறார்கள். மணிசர்மா இசையமைத்திருக்கும் இப்படத்தின் பாடல்களை விவேகா மற்றும் அறிவுமதி எழுதியிருக்கிறார்கள். சும்மாவே இப்ப வர்ற படமெல்லாம் ரகளையாத்தான் இருக்கு.. இதில டைட்டிலே இப்டியா..? ரசிகர்கள ரணகளமாக்காம இருந்தா சரி..........