மனைவியை பிரியாத பையா!

நடிகைகளுடன் கிசுகிசு பிரச்சினை எதிலும் சிக்காமல் இருக்க மனைவியை கையோடு ஷூட்டிங் ஸ்பாட்டுக்கு அழைத்து செல்கிறார் கார்த்தி. இது பற்றி அவர் கூறியதாவது: திருமணத்துக்கு பிறகு வாழ்க்கையில் மாற்றம் ஏற்பட்டிருக்கிறதா என்கிறார்கள். எந்த மாற்றமும், குழப்பமும் ஏற்படாமல் இருக்க எளிமையான ஒரு வழியை வைத்திருக்கிறேன். எனது எல்லா ஷூட்டிங்கிற்கும் கையோடு என் மனைவியையும் அழைத்துச் சென்றுவிடுகிறேன். அதனால் மனைவியை பிரிந்திருக்கும் நேரம் என்பது குறைவுதான். இதனால் தேவையில்லாத கிசுகிசுவிலும் சிக்க வாய்ப்பே இல்லை. சமீபத்தில் 'சகுனி' படத்துக்காக போலந்து நாட்டுக்கு சென்றேன். அங்கு கடும் குளிர் நிலவுவதாக முதலிலேயே கூறிவிட்டார்கள். எனவே அங்கு அழைத்து சென்று குளிரில் அவரை வாட்ட வேண்டாம் என்று எண்ணி உடன் அழைத்துச் செல்லவில்லை. மற்றபடி எந்நேரமும் அவர் என்னை சுற்றியே இருக்கிறார். அடடா.. ஆயிரத்தில் ஒருவன்!