திரை நட்சத்திரங்களுக்கு உகாதி புரஸ்கார் விருது

லயன்ஸ் கிளப் இன்டர்நேஷனல் டிஸ்ட்ரிக் 324 ஏ.எஸ் (Lions Clubs International District 324 AS) சார்பில் நேற்று முன்தினம் சென்னையில் உகாதி விழா கொண்டாடப்பட்டது. இவ்விழாவில் பழம்பெரும் திரை நட்சத்திரங்களுக்கு உகாதி புரஸ்கார் விருது வழங்கப்பட்டது. சென்னை, தியாகராயா நகரில் உள்ள பி.ஆர்.சி.செனட்ரி ஹாலில் மாலை 6 மணிக்கு நடைபெற்ற இந்த உகாதி விழாவில் கடவுள் வாழ்த்து பாடலை மதுரா சுமனா பாடினார். சரோஜா சவுத்ரி, மீரா நந்தகோபால், ஸ்ரீலேகா ஆகியோர் குத்து விளக்கு ஏற்ற நிகழ்ச்சி கோலாகலமாக துவங்கியது. லயன்ஸ் கிளப் உகாதி கொண்டாட்ட குழுவின் ஒருங்கிணைப்பாளர் லயன் கே.கோட்டீஸ்வர சவுத்ரி வரவேற்புறை நிகழ்த்தினார். லயன் ஆர்.சம்பத் விருந்தினர்களை கௌரவித்தார். இந்த ஆண்டுக்கான லயன்ஸ் கிளப் உகாதி புரஸ்கார் விருது பழம் பெரும் நடிகைகள் ராஜ சுலோச்சனா, ராஜஸ்ரீ, சச்சு ஆகியோருக்கும், தொலைக்காட்சி மற்றும் சினிமா நடிகை சத்யபிரியா, நடிகர்கள் பானுசந்தர், சரத்பாபு ஆகியோருக்கும் வழங்கப்பட்டது. மேலும் பேராசிரியர் டாக்டர்.சி.எம்.கே.ரெட்டி, இசையமைப்பாளர் சல்லுரு வாசு ராவ், பின்னணி பாடகர் மற்றும் இசையமைப்பாளர் கந்தசலா ரத்னகுமார், இசையமைப்பாளர் ஆனந்த், பின்னணி பாடகி வசந்தா ஆகியோரும் இவ்விருதை பெற்றார்கள். இந்த நிகழ்ச்சியில் லயன்ஸ் கிளப்பின் மாவட்ட கவர்னர் எம்.நந்தகோபால் மற்றும் லயன்ஸ் கிளப்பை சார்ந்தா டி.வெங்கடேஷ், ஸ்ரீபிரகாஷ், ஸ்ரீலேகா, ரஞ்சனி, வி.அம்ருத் குமார், எம்.பெருமாள், டாக்டர்.எஸ்.பி.பாஸ்கரன், எஸ்.வெங்கட்ராமன், டாக்டர்.சி.சி.ஜானி, ஜி.கோபாலன், ஜி.தனபாலன், தடபள்ளி ராஜசேகர், நாராயண குப்தா மற்றும் பலர் கலந்துகொண்டார்கள். இந்த விழாவில் முன்னதாக கலாக்ஷேத்ராவை சேர்ந்த முன்னணி கலைஞரான டி.டி.ஜெ.சூர்யநாராயண மூர்த்தியின் குச்சிப்புடி நடனம் இடம்பெற்றது. வாழ்த்துகள் 'ஓல்ட்'ஸ்!