கொள்ளுப் பொடி

தேவையான பொருட்கள்:

கொள்ளு – 1 கப்
காய்ந்த மிளகாய் – 4 முதல் 5 வரை
மிளகு – 1 டீஸ்பூன்
சீரகம் – 1 டீஸ்பூன்
உப்பு – 1 டீஸ்பூன்
செய்முறை:

வெறும் வாணலியில், உப்பைத்தவிர, மேற்கண்ட பொருட்களை, தனித்தனியாக வறுத்தெடுத்து ஆற விடவும்.
ஆறியபின், உப்பு சேர்த்து நன்றாகப் பொடித்தெடுக்கவும்.
இந்தப்பொடியை, சூடான சாதத்தில் போட்டு, ஒரு டீஸ்பூன் நெய் அல்லது நல்லெண்ணையுடன் சாப்பிட சுவையாயிருக்கும். நெய், எண்ணை தவிர்த்தும் சாப்பிடலாம்.
ரசம் செய்யும் பொழுது, இந்தப்பொடியைச் சேர்த்து கொள்ளு ரசமாக செய்யலாம்.
துவையல், சூப் செய்யும் பொழுதும் உபயோகிக்கலாம்.