நல்ல டாக்டர்கள் "இருவர்"

நல்ல டாக்டர்கள் "இருவர்"
நல்ல வாழ்வு வாழ நாட வேண்டிய இயற்கை டாக்டர்கள் இருவர்
அவர்களில் ஒருவர். இவரிடம் காலையில் எழுந்து உடலை காட்டுவதுதான். நமது உடலை இவர் "செக்கப்" செய்து கொள்ள காசு வாங்க மாட்டார். அவர் "சூரியன்" ஆவார்.
சூரியன் என்ற டாக்டர் தரும் பயன்கள்
* சூரிய ஒளி புகாத வீட்டில் டாக்டர் நுழைவார் என்பது பழமொழி
* சூரிய ஒளி சருமத்திற்கு பொழிவு தருகிறது.
* உடலில் நோய் எதிர்ப்பு தரும் வெள்ளை அனுக்களை அதிகரிக்கச் செய்கிறது
* சூரிய ஒளி உணவு செரிமானத் தன்மையை அதிகரிக்கிறது. கழிவுகளை வெளியேற்றுவதற்க்கு உதவும் வளர்ச்சிதை மாற்றத்திற்கும் துனை புரிகிறது.
*உடல் ஊட்டச்சத்திற்குத் தேவையான வைட்டமின் "டி" சூரிய ஒளி தருகிறது.
* மாலை வெயிலில் நடைப்யணம் மேற்கொண்டால் ஆண்மை விருத்தி ஏற்படும்
* காலை, மாலை சூரிய ஒளி நமது உடலில் பட்டால், புற ஊதாக்கதிர்கள் படும். அது வைரஸ்,பாக்டீரியா, ஒட்டுண்ணி போன்ற கிருமிகளைக் கொல்லும் தன்மை கொண்டது. ஆனால் உச்சி வெயில் வேண்டாம்.
*சூரிய ஒளி படாமல் வாழ்பவர்களுக்கு புற்று நோய் வர வாய்ப்பு உள்ளது

அடுத்த டாக்டர்: இவர் கசப்பில்லாத மருந்து தருவார். எனவே அனைவரும் இவரை விரும்புவர். மற்ற மருந்து ஒரு நாளைக்கு ஒன்று முதல் மூன்று டோஸ் என்றால், இவர் தரும் மருந்து ஒரு நாளைக்கு எட்டு முதல் பத்து டோஸ். அவர்தான் "தண்ணீர்".
*சோடியம், பொட்டாசியம், குளோரைடு, பைகார்பனேட் அடங்கிய எலக்ரோலைட் என்னும் மூலக்கூறு உடல் இயக்கத்திற்கு அவசியமானது. போதிய தண்ணீர் கிடைத்தால்தான் உடலுக்குத்தேவையான எலக்ரோலைட்டை உடல் பெற ஏதுவாக இருக்கும். இல்லாவிட்டால் உடலில் உள்ள செல்கள் வறண்டு விடும் அல்லது இறந்து விடும்.
* உடலில் கெட்ட கொழுப்பு ஏற்படுவதை தடுத்து மாரடைப்பு போன்ற நோய்கள் வருவதை தடுக்கிறது,
*வாத நோய் வருவதை தண்ணீர் தடுக்கிறது,
*இதயம், மூளைக்கு செல்லும் தமனிகள் தடையின்றி செல்ல உதவுகிறது
*நமது மூளை 85 சதவீதம் தண்ணீரால் ஆனது. தண்ணீர் பருகுவதால் மூளை புத்துணர்ச்சி பெறுகிறது

அப்ப இந்த இரண்டு டாக்டர்களையும் தினமும் பாருங்க, அவர்கள் உங்க ஆரோக்கியத்தின் நண்பர்கள் ஆவர்.