விருந்து வச்சு பாத்திரத்தையும் கழுவி ஆச்சர்யப்பட வைத்த அஜித்!

அஜித் நன்றாக சமைப்பவர் என்று ஏற்கெனவே எல்லோருக்கும் தெரிந்த விஷயம். முன்னர் ஒருமுறை 'மங்காத்தா' பட ஷூட்டிங் எல்லாம் முடிந்தவுடன் படக்குழுவினரை அழைத்து, தன் கையால் பிரியாணி எல்லாம் சமைத்து போட்டு அசத்தினார். அதேபோல் இப்போதும் ஒரு விருந்து கொடுத்து இன்ப அதிர்ச்சி கொடுத்திருக்கிறார் அஜித். 'பில்லா-2' படத்தின் ஷூட்டிங் எல்லாம் முடிந்தவுடன் எப்பவும் போல் படக்குழுவினரை அழைத்து கோழிக்கறி, மீன் வறுவல் என்று தன் கையாலேயே சமைத்து அனைவருக்கும் பரிமாறி விருந்து வைத்திருக்கிறார். அதோடு மட்டுமில்லாமல் விருந்துக்கு பயன்படுத்திய பாத்திரங்கள் எல்லாவற்றையும் எந்த ஒரு வேலைக்காரர்களையும் அனுமதிக்காமல், தான் ஒருவரே நின்று கழுவி சுத்தப்படுத்தி இருக்கிறார். இந்த விஷயம் இரண்டு நாள் கழித்து தான் விருந்துக்கு வந்தவர்களுக்கு தெரியுமாம். இதை கேட்ட பலரும் அசந்து போய் இன்ப அதிர்ச்சிக்கு உள்ளாகிவிட்டார்களாம்.இதுகுறித்து ஒளிப்பதிவாளர் ராஜசேகர் கூறுகையில், அஜித் விருந்து வைத்து, அதை அவரே கழுவி வைத்த செயல் எங்களை ஆச்சர்யப்பட வைத்துவிட்டது. அவரது எளிமை எங்களை ரொம்பவே கவர்ந்துவிட்டது. ஷூட்டிங் ஸ்பாட்டில்கூட ஒவ்வொருத்தருக்கும் வணக்கம் சொல்லிவிட்டு தான் தன்னுடைய இடத்திற்கே போவார் என்று கூறியுள்ளார். நேத்து பேஞ்ச மழையில இன்னைக்கு மொளச்ச காளான்களெல்லாம் 'தல'கிட்ட கத்துக்கிட வேண்டியது நெறய இருக்கு. என்னங்க.. கத்துப்பீங்கதானே.....