ஆதியின் அல்டாப்பு!

மிருகம்', 'ஈரம்', 'அரவான்' போன்ற படங்களில் நடித்த நடிகர் ஆதியின் அல்டாப்பு தாங்க முடியவில்லை என்கின்றனர் கோடம்பாக்ககாரர்கள். காரணம் கேட்டால் ஏற்கனவே தான் ஒரு பிரபல தெலுங்கு இயக்குநரின் மகன் என்ற தெனாவட்டிலேயே சுற்றி வந்த ஆதி, 'அரவான்' பட ரிலீஸூக்குப் பிறகு பித்தம் உச்சத்துக்கு எகிறி எக்குத்தப்பாக ஆட்டம் போடுகிறார் என்கின்றனர் விவரமறிந்தவர்கள்!! அண்மையில் ஒரு சிமென்ட் கம்பெனியின் திறப்பு விழாவில் கலந்து கொள்ள ஓகே சொல்லியிருக்கிறார் ஆதி. சம்பந்தப்பட்ட சிமென்ட் கம்பெனியும் பத்திரிகையில் பெயர் எல்லாம் அடித்து எல்லோருக்கும் விநியோகித்து இருக்கிறது. விழா நாளில் ஸ்கூல் பையன் சாக்கு சொல்வது போல் "ஐ யாம் சஃபரிங் பிரம் ஃபீவர், ப்ரீஸ் எக்ஸ்கியூஸ் மீ" என நழுவியிருக்கிறார் மனிதர். போனால் போகட்டும் என நினைத்தால், மேலும் இரண்டு சினிமா விழாக்களிலும் கடைசி நேரத்தில் கலந்து கொள்ளாமல் காலை வாரி விட்டிருக்கிறார். இதனால் ஆதியின் மீது அகோர கோபத்தில் இருக்கிறதாம் கோடம்பாக்கம்! ஆதியா ஆள் பாதி.. அல்டாப்பு மீதி என கொக்கரிக்கின்றனர் கோபத்தில்!! மிருகத்துக்கிட்ட ஈரத்த எதிர்பாத்தா....?