அதிகம் சம்பாதிக்கும் கிரிக்கெட் வீரர் யார் தெரியுமா?

பணக்காரர்களை மோப்பம் பிடித்து அவர்களின் வருவாயை வெளியிட்டு வரும் போர்ப்ஸ் இதழ் வெளியிட்டுள்ள பட்டியலில் அதிக வருவாய் ஈட்டும் கிரிக்கெட் வீரர்கள் பட்டியலில் இந்திய கேப்டன் தோனி முதலில் உள்ளார்.

முதல் 10 வீரர்களில் 6 இந்திய கிரிக்கெட் வீரர்கள் என்பது குறிப்பிடத்தக்கது.

இவரது வருவாய் விளம்பரங்கள் மூலம் ஆண்டொன்றுக்கு 2 கோடியே 65 லட்சம் சம்பாதிக்கிறார். இதில் 2 கோடியே 30 லட்சம் டாலர்கள் விளம்பரங்கள் மூலம் கிடைக்கிறது. இது தவிர கிரிக்கெட் மூலமாக அவரது வருவாய் ஆண்டுக்கு 35 லட்சம் அமெரிக்க டாலர்களாகும்.

விளம்பரங்கள் மூலம் அதிகம் வருவாய் ஈட்டும் வீரர்கள் பட்டியலிலும் தோனிக்கே முதலிடம்! இதில் தோனியின் வருவாய் ஆண்டுக்கு 2 கோடியே 65 லட்சம் டாலர்களாகும்.

2ஆம் இடம்பிடித்தவர்… சந்தேகமே வேண்டாம் விளம்பரப்பிரியர் சச்சின் டெண்டுல்கர்தான். இவரது ஆண்டு வருவாய் ஒரு கோடியே 86 லட்சம் டாலராகும். இதில் விளம்பரங்கள் மூலம் 1 கோடியே 65 லட்சம் டாலர்கள் கிடைக்கிறது.

மீதமுள்ள 21 லட்சம் கிரிக்கெட் ஆட்டம் மூலம் கிடைக்கிறது.

தோனியும், சச்சினும் கோடிக்கணக்கான டாலர்கள் வருவாயில் புரள, கம்பீரின் ஆண்டு வருவாய் 73 லட்சம் டாலர் கோலியின் வருவாய் 71 லட்சம் அமெரிக்க டாலர்கள், சேவாக் 69 லட்சம் டாலர்கள் என்று லட்சங்களில் செடீல் ஆகியுள்ளனர்.

ஆஸ்ட்ரேலியாவைப் பொறுத்தவரை ஐ.பி.எல். கிரிக்கெட்டில் தொடர்ந்து ஆடி வரும் ஷேன் வாட்சனின் ஆண்டு வருவாய் 59 லட்சம் அமெரிக்க டாலர்கள். கிளார்க் 49 லட்சம் அமெரிக்க டாலர்கள், பிரெட் லீ 48 லட்சம் அமெரிக்க டாலர்கள். ரிக்கி பாண்டிங் 41 லட்சம் அமெரிக்க டாலர்கள். யூசுப் பத்தான் 37 லட்சம் டாலர்கள்.