விஸ்வரூபம் வழக்கில் நாளை தீர்ப்பு: தமிழக தியேட்டர்களில் பலத்த பாதுகாப்பு

'விஸ்வரூபம்' படத்தில் தங்களின் மனதை புண்படுத்தும் காட்சிகள் இருப்பதாக கூறி முஸ்லிம் அமைப்பினர் எதிர்ப்பு தெரிவித்தனர். தொடர்ந்து அப்படத்துக்கு 2 வாரங்கள் தமிழக அரசு தடை விதித்தது.


இதனை எதிர்த்து கமல் தரப்பில் ஐகோர்ட்டில் வழக்கு தொடரப்பட்டது. நாளை இந்த வழக்கில் தீர்ப்பு கூறப்படுகிறது. இதற்கிடையே நேற்று இரவு போலீஸ் அதிகாரிகள் பங்கேற்ற திடீர் ஆலோசனை கூட்டம் கமிஷனர் அலுவலகத்தில் நடைபெற்றது. இந்த கூட்டத்தில் 'விஸ்வரூபம்' படம் தொடர்பாக அசம்பாவித சம்பவங்கள் ஏதேனும் ஏற்பட்டால் அதனை சமாளிக்க தயார் நிலையில் இருப்பது என்று முடிவு செய்யப்பட்டது.

இதைத் தொடர்ந்து சென்னையில் பிரச்சினை ஏற்படலாம் என்று கருதப்படும் இடங்களில் பலத்த போலீஸ் பாதுகாப்பு போடப்பட்டள்ளது. தமிழகம் முழுவதும் இதேபோன்று பாதுகாப்பு ஏற்பாடுகளை செய்ய மாவட்ட போலீஸ் சூப்பிரண்டுகளுக்கு உத்தரவு பிறப்பிக்கப்பட்டுள்ளது.

'விஸ்வரூபம்' திரைப்படம் தமிழகம் முழுவதும் 500-க்கும் மேற்பட்ட தியேட்டர்களில் வெளியாகும் என்று கமல் அறிவித்திருந்தார். இதன்படி படம் ரிலீசாகும் என்று அறிவித்திருந்தார். தியேட்டர்கள் முன்பும் பாதுகாப்பு பலப்படுத்தப்பட்டுள்ளது. ஆழ்வார்பேட்டையில் உள்ள கமலஹாசன் அலுவலகம் நீலாங்கரையில் உள்ள பண்ணை வீடு ஆகியவற்றின் முன்பும் போலீசார் தீவிரமாக கண்காணித்து வருகிறார்கள். நாளை வரை இந்த பாதுகாப்பு நீடிக்கப்பட உள்ளது.