நிர்வாணமாக நடித்த பிரகாஷ்ராஜூக்கு எதிராக போராட்டம்

பிரகாஷ்ராஜ் 'ஓங்கோல் ஹிட்டா' என்ற படத்தில் ஆடை எதுவும் இன்றி நிர்வாணமாக நடித்தது சர்ச்சையை ஏற்படுத்தியுள்ளது. ஆந்திராவில் பல்வேறு அமைப்புகள் பிரகாஷ்ராஜை கண்டித்ததோடு போராட்டத்திலும் ஈடுபட்டுள்ளன.

பிரகாஷ்ராஜ் இதுவரை வில்லன் கேரக்டரிலும், குணச்சித்திர வேடங்களிலும் நடித்துள்ளார். முதல் தடவையாக நிர்வாண காட்சியில் தோன்றி உள்ளார். இந்த நிர்வாண காட்சிக்காகவே தணிக்கை குழு படத்துக்கு 'ஏ' சான்றிதழ் அளித்துள்ளது.

நிர்வாண நடிப்பு மற்றும் எதிர்ப்பு குறித்து கேட்டபோது அவர் கூறியதாவது:-

இயக்குனர்கள் சொன்னபோது சில சீன்களில் தான் நிர்வாணமாக நடிக்க வேண்டும் என்றார். இப்படத்தில் எனக்கு வில்லன் கேரக்டர் பகலில் நல்லவனாக இருப்பேன், இரவில் கெட்டவனாகி விடுவேன். இரவு நேரத்தில் ஆடைகளை அவிழ்த்து எரிந்து விட்டு நிர்வாணமாக இருப்பேன்.

இதுவரை இப்படி கேரக்டர்களில் நடித்தது இல்லை. வித்தியாசமான வேடமாக இருந்தால் நிர்வாணமாக நடிக்க சம்மதித்தேன். இதை சில அமைப்புகள் எதிர்க்கின்றன. போராட்டத்துக்கும், அழைப்பு விடுத்துள்ளன. நிர்வாணமாக நான் நடித்தது துணிச்சலான காரியம்.

இதை படத்தில் பார்ப்பது கொஞ்சம் கஷ்டம்தான். அதிர்ச்சியாகத்தான் இருக்கும். ஆனால் படம் முழுவதையும் பார்த்த பின் அதை புரிந்து கொள்வார்கள்.

இவ்வாறு பிரகாஷ்ராஜ் கூறினார்.