ராஜீவ் மேனன் புதிய படத்தில் பிரபல கர்நாடக பாடகி எம்.எஸ். சுப்புலட்சுமி வேடத்தில் நடிக்கும் வித்யாபாலன்

'டர்ட்டி பிக்சர்' படத்தில் மறைந்த நடிகை 'சில்க்' ஸ்மிதா வேடத்தில் கவர்ச்சியாக நடித்து பரபரப்பை ஏற்படுத்தியவர் நடிகை வித்யா பாலன். இதேபோல், இயக்குனர் சுரேஷ் மேனன் இயக்கத்தில் இன்னொரு மறைந்த பிரபல பெண் ஒருவரின் வேடத்தில் நடிக்க உள்ளதாக நடிகை வித்யா பாலன் சமீபத்தில் பேட்டியளித்திருந்தார்.

இந்தியாவின் முன்னாள் பிரதமர், மறைந்த இந்திரா காந்தியின் வேடத்தில் அவர் நடிக்கக் கூடும் என்ற செய்தி பாலிவுட் வட்டாரங்களில் பரவியது. இந்நிலையில், இசை விருந்தாக உருவாக்கப்படவுள்ள ராஜீவ் மேனனின் புதிய படத்தில் பிரபல கர்நாடக பாடகி மறைந்த எம்.எஸ். சுப்புலட்சுமியாக வித்யா பாலன் நடிக்க உள்ளார் என்ற தகவல் தற்போது வெளியாகியுள்ளது.
tamil matrimony_INNER_468x60.gif