என் சம்பளம் ரூ.1 கோடி: பவர் ஸ்டார் சீனிவாசன்

கண்ணா லட்டு தின்ன ஆசையா படம் மூலம் பிரபலமான பவர் ஸ்டார் சீனிவாசன் ஒன்பதுல குரு படத்தில் ஒரு பாடலுக்கு குத்தாட்டம் ஆடுகிறார்.

இதன் படப்பிடிப்பு வளசரவாக்கத்தில் உள்ள புஷ்பா கார்டனில் நடந்தது, சும்மா சும்மா அலையாதடா சுடிதார் பொம்மையை பார்த்து வழியாதடா என்ற பாடலுக்கு நடன அழகிகளுடன் சேர்ந்து அவர் ஆட படத்தின் இயக்குனர் பி.டி.செல்வகுமார் படமாக்கினார்.

நடிகர்கள் அரவிந்த், சத்யன், ஸ்டண்ட் மாஸ்டர் கனல் கண்ணன் போன்றோரும் ஆடினர். நடன காட்சி படமாக்கப்பட்ட பிறகு பவர் ஸ்டார் சீனிவாசன் கூறியதாவது:-

ஒன்பதுல குரு படத்தில் வித்தியசமான கெட்டப்பில் ஒரு பாட்டுக்கு ஆடுகிறேன், ஷங்கரின் 'ஐ' படத்திலும் நடிக்கிறேன். மேலும் மூன்று படங்கள் கைவசம் உள்ளன.

கண்ணா லட்டு தின்ன ஆசையா படம் பார்த்து ரஜினிகாந்த் பவர் பட்டைய கிளப்பிட்டீங்க என்று பாராட்டினார். ரஜினி என் குரு, சம்பளத்தை உயர்த்திவிட்டேன். ரூ.1 கோடி சம்பளம் கேட்கிறேன் என்றார்.