வில்லன்களுடன் சண்டையிட்டு நடித்தது திகில் அனுபவம்: திரிஷா

நடிகை திரிஷா தமிழ், தெலுங்கில் தயாராகும் 'ரம்பா, ஊர்வசி, மேனகை' என்ற படத்தில் மூன்று நாயகிகளில் ஒருவராக நடிக்கிறார். கதாநாயகிக்கு முக்கியத்துவம் அளிக்கும் கதையம்சமுள்ள படமாம். இதில் இஷா சாங்லா, நிகிஷா பட்டேல் ஆகியோரும் நடிக்கின்றனர். எம்.எஸ்.ராஜூ இயக்குகிறார்.

இதன் படப்பிடிப்பு துபாயில் நடக்கிறது, இதில் முதல் தடவையாக ஆபத்தான சண்டைக் காட்சியொன்றில் திரிஷா நடித்துள்ளார். இதுகுறித்து அவர் கூறியதாவது:-

'ரம்பா, ஊர்வதி, மேனகை' படத்தில் சண்டைக்காட்சியில் நடித்தது திகில் அனுபவமாக இருந்தது. முதல் தடவையாக சினிமாவில் சண்டை போட்டு நடித்துள்ளேன். ஸ்டண்ட் சீன்கள் ஆபத்தானவைகளாக இருந்தன. அதில் நடித்தது திரில்லிங்காக இருந்தது. சண்டைபோட பயிற்சி எதுவும் எடுத்துக் கொள்ளாமலேயே நடித்தேன்.

ஸ்டண்ட் மாஸ்டர் விஜயன் எனக்கான சண்டை சீன்களை வடிவமைத்தார். காட்சிகள் சிறப்பாக வருவதற்கு விஜயன் எனக்கு உதவி செய்தார். சிறப்பாக சண்டை போட்டுள்ளேன். இது வித்தியாசமான அனுபவமாக இருந்தது.

இவ்வாறு திரிஷா கூறினார்.
tamil matrimony_INNER_468x60.gif