கடல் படத்தை எதிர்த்து வழக்கு: தணிக்கை குழு, மணிரத்னத்துக்கு ஐகோர்ட் நோட்டீஸ்

ராயபுரத்தைச் சேர்ந்த ஜான் என்பவர் ஐகோர்ட்டில் தாக்கல் செய்துள்ள மனுவில் கூறி இருப்பதாவது:-

மணிரத்னம் இயக்கிய கடல் திரைப்படம் வெளியாகி ஓடிக்கொண்டு இருக்கிறது. கிறிஸ்தவ மத நம்பிக்கையை அவமதிக்கும் வகையில் அந்த படத்தில் காட்சிகள் இடம் பெற்றுள்ளன.

இந்த படத்துக்கு தணிக்கை குழு 'யூ' சான்றிதழ் வழங்கியதை ரத்து செய்ய வேண்டும். அந்த படத்துக்கு தடை விதிக்க வேண்டும்.

இவ்வாறு அந்த மனுவில் கூறப்பட்டு இருந்தது.

நீதிபதி ராஜேஸ்வரன் இந்த மனுவை விசாரித்து இது தொடர்பாக வருகிற 25-ந்தேதிக்குள் பதில் அளிக்குமாறு மத்திய தணிக்கை குழு, டைரக்டர் மணிரத்னம், தமிழக அரசு ஆகியோருக்கு நோட்டீஸ் அனுப்ப உத்தரவிட்டார்.