இனி டைரக்ஷன் மட்டுமே: இயக்குனர் பிரபுசாலமன்

பிரபு சாலமன் ‘மைனா’ படத்தை தனது நண்பர் ஜான் மேக்ஸுடன் இணைந்து ஷாலோம் ஸ்டூடியோஸ் நிறுவனம் தயாரித்து இயக்கினார். அடுத்து அதே நிறுவனத்துடன் இணைந்து ‘சாட்டை’ என்ற படத்தையும் தயாரித்தார்.

இந்நிலையில், பிரபுசாலமனின் அடுத்த தயாரிப்பு குறித்து கேட்டபோது அவர் கூறியதாவது:-

இனி, டைரக்ஷனில் மட்டும் கவனம் செலுத்துவது என இருக்கிறேன். டைரக்ஷன், தயாரிப்பு இரண்டிலும் கவனம் செலுத்துவது என்பது ரொம்பவும் கஷ்டமாக இருக்கிறது. அதனால் ஷாலோம் ஸ்டூடியோஸ் நிறுவனத்திலிருந்து வெளியறி விட்டேன். இனி ஷாலோம் ஸ்டூடியோஸில் ஜான் மேக்ஸ் மட்டுமே தயாரிப்பாளர். நான் இயக்கும் படத்தைப் பற்றி இன்னும் சில தினங்களில் அறிவிப்பேன்.

இவ்வாறு அவர் கூறியுள்ளார்.