சென்னையில் வீட்டில் தனிமையில் இருந்த மாணவி மீது கற்பழிக்க முயற்சி

சென்னை வண்ணாரப்பேட்டை செல்வ விநாயகர் கோவில் தெருவைச் சேர்ந்தவர் நந்தகுமார். இவரது மகள் அமிர்தா (வயது 16). அமிர்தா அப்பகுதியில் உள்ள பள்ளியில் பிளஸ்-1 படித்து வருகிறார்.

மாணவியின் வீட்டுக்கு அருகில் மளிகை கடை வைத்திருப்பவர் வைரம் ( 30). இவர் மாணவி பள்ளி செல்லும்போதும், வீட்டுக்கு திரும்பி வரும் போதும் மாணவியை ஜாடை, மாடையாக பேசி கிண்டல் செய்து வந்தார்.
இந்நிலையில், நேற்று மாலை மாணவி அமிர்தா மட்டும் வீட்டில் தனியாக இருந்தார்.

அதை சாதகமாக பயன்படுத்திக் கொண்டு வீட்டுக்குள் புகுந்த மளிகை கடைக்காரர் வைரம், மாணவியை கற்பழிக்க முயன்றார்.

மாணவியின் அலறல் சத்தம் கேட்டு அங்கு திரண்ட பொதுமக்கள், தப்பி ஓட முயன்ற வைரத்தை மடக்கி பிடித்து தர்ம அடி கொடுத்தனர்.

பின்னர் போலீசுக்கு தகவல் தெரிவித்து வண்ணாரப்பேட்டை போலீஸ் இன்ஸ்பெக்டர் வீரக் குமாரிடம் வைரத்தை ஒப்படைத்தனர். வைரம் மீது கற்பழிப்பு முயற்சி மற்றும் மானபங்கம் போன்ற பிரிவுகளில் வழக்கு பதிவு செய்யப்பட்டது. பின்னர் கோர்ட்டில் ஆஜர்படுத்தி, புழல் ஜெயிலில் அடைக்கப்பட்டார்.